بە چەند هەنگاوێکی سادە ژیانت بۆ هەمیشە ڕووناک بکەرەوە ...!!! 

بەناوی خودا ...
ڕەنگە تۆ وەک مرۆڤێک هەندێک جار لەبەرامبەر گرفتەکانی ڕۆژگار بێزاربیت یاخود بەهۆی سروشتی تایبەتی خۆت و جیاوازی دونیا بینیت لەگەڵ ئەوانی دیکە دڕدۆنگ و بێهیوابیت و بیری کۆڵدان لەژیان ببێتە تاکە بژاردەت بۆ داهاتوو ، بەڵام ئەمه ڕێگای دروست و فریاد ڕەسی هیچ دۆخێک نابێت ، بەڵکو ئەوەی دەرچە و دەلاقەی هەنگاونانە بەرەو ڕووناکی و ژیانێکی باشتر بەپێ ێ پێودانگی لۆژیکی و ئەزموونی مرۆڤە سەرکەوتووەکان بریتین لە گرتنە بەری چەند هۆکارێکی سادە کە لێرەدا بەکورتی ئاماژەیان پێ دەکەین ئەوانیش : 

۱- سەرلەنوێ بنیاتنانەوەی پەیوەندی نێوان خۆت و خودای بەدیهێنەرت چونکە دڵنیایی و ئاسودەیی هەمیشەیت بەندە بەم هۆکارەوە . 

۲- بەخۆداچوونەوە و چاککردنەوەی ئەو هەنگاوە هەڵانەی کە لە ڕابردوودا بەبێ شرۆڤە و بیرکردنەوە ناوتن، چونکە بەخۆدا چوونەوە هۆکارێکی گرنگە بۆ دان نان بەهەڵەکان و هەوڵدان بۆ دووبارە گرتنەبەری ڕێگای دروست لەژیاندا . 

۳- گۆڕانکاری کردنی بەردەوام لە شێوازی ژیانت چونکە ڕێگای نوێ هەمیشە دەرئەنجامی نوێ و ئەرێنی بۆ ژیانێکی دروست دێنێتە ئاراوە . 

٤- دوورکەوتنەوە لە بیری نەرێنی سەبارەت بە دۆخی ژیان و کەسایەتیت چونکە ئەم کارە تەنها بێهیوای و لەدەستدانی متمانە بەخۆبوونت پێ دەخشێت . 

٥- هاوەڵی کردنی مرۆڤانێک کە خاوەنی سەنگ و سەرچاوەی هیوا و سودن لەکۆمەڵگەدا چونکە مرۆڤ کەم هەتا زۆر کەسایەتی و بیروڕاکانی لەژێر کاریگەری هاوەڵ و خۆشەویستانیدا بنیات دەنێت . 

٦- خۆ بەدوورگرتن لە نمایش کاری ژیانی تایبەتیت بۆ ئەوەی نەبیتە نێچیری مرۆڤانێک کە بەئیرەیی و بەدکارییان ژیانی خەڵکی دادەڕمێنن . 

بەهیوای ژیانێکی پڕ لە بەختەوەری بۆ هەمووان . 

نووسین : دیار بکر .